ಸಿದ್ದಾಪುರ ಪಟ್ಟಣದಲ್ಲಿ ಎಲ್ಲೆಂದರಲ್ಲಿ ತ್ಯಾಜ್ಯದ ಸಾಮ್ರಾಜ್ಯ…! ಟ್ರ್ಯಾಕ್ಟರ್‌ ನಲ್ಲಿ ದುರ್ವಾಸನೆಯೊಂದಿಗೆ ಕೊಳೆಯುತ್ತಿರುವ ಕಸ…!!

ಕೊಡಗು

• Posted On
• 2024-07-16

ಸಿದ್ದಾಪುರ

ಸಿದ್ದಾಪುರದ ಮಾರುಕಟ್ಟೆ, ಬಸ್ ನಿಲ್ದಾಣ, ಮುಖ್ಯರಸ್ತೆ, ಶಾಲೆ ಮುಂಭಾಗ, ನದಿ ದಡ ಸೇರಿದಂತೆ  ಎಲ್ಲೆಂದರಲ್ಲಿ ತ್ಯಾಜ್ಯದ ರಾಶಿ ರಾರಾಜಿಸುತ್ತಿದೆ. ಪರಿಸರ ಗಬ್ಬೆದ್ದು ನಾರುತ್ತಿದೆ. ತ್ಯಾಜ್ಯದ ದುರ್ವಾಸನೆಯಿಂದ ಶಾಲಾ ವಿದ್ಯಾರ್ಥಿಗಳು, ಸಾರ್ವಜನಿಕರು, ಮೂಗು ಮುಚ್ಚಿ ನಡೆದಾಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದ್ದು, ಬೀದಿ ನಾಯಿಗಳ ಹಾವಳಿಯು ಹೆಚ್ಚಾಗಿದೆ.  ಸಿದ್ದಾಪುರ ಮಾರುಕಟ್ಟೆ ಭಾಗದಲ್ಲಿ ಅನಾರೋಗ್ಯ ಪ್ರಕರಣಗಳು ಹೆಚ್ಚಾಗಿ ಕಂಡುಬAದಿದ್ದು, ದುರ್ವಾಸನೆ ಹಾಗೂ ಸೊಳ್ಳೆಗಳ ಹಾವಳಿಯಿಂದ ಸ್ಥಳೀಯ ನಿವಾಸಿಗಳ ಆರೋಗ್ಯದ  ಮೇಲೆ ಪರಿಣಾಮ ಬೀರುತ್ತಿದೆ. ಡೆಂಗ್ಯೂ ಸೇರಿದಂತೆ ಮಾರಕ ರೋಗಗಳು ಹರಡುತ್ತಿದ್ದರು ಸಹ ತ್ಯಾಜ್ಯ ವಿಲೇವಾರಿ  ಕುರಿತು ತಮಗೆ ಏನು ಸಂಬAಧವಿಲ್ಲದAತೆ  ಇರುವ ಪಂಚಾಯಿತಿಯ ಆಡಳಿತದ ವಿರುದ್ಧ ಸ್ಥಳೀಯರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಶುಚಿತ್ವ ಕಾಣದೆ ಚರಂಡಿಗಳು  ತ್ಯಾಜ್ಯದಿಂದ ತುಂಬಿದೆ. ಶುಚಿತ್ವದ ಬಗ್ಗೆ ಕಾಳಜಿ ವಹಿಸದÀ ಗ್ರಾಮ ಪಂಚಾಯಿತಿ  ಶಾಶ್ವತ  ಜಾಗವು ಕಂಡುಕೊಳ್ಳಲಾಗದೆ ಅಸಹಾಯಕತೆ ತೋರಿದೆ. ಮಾಲ್ದಾರೆ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಘಟ್ಟದಳ್ಳ ಬಳಿ   ಸಿದ್ದಾಪುರ, ಮಾಲ್ದಾರೆ ಗ್ರಾಮ ಪಂಚಾಯಿತಿಗೆ  ಜಾಗ ಗುರುತಿಸಿ,  ಆರ್ ಟಿ ಸಿ ನೀಡಿ ಸ್ವಚ್ಛ ಭಾರತ್ ಮಿಷನ್ ಯೋಜನೆಯನ್ನು ಅನುಷ್ಠಾನಗೊಳಿಸಲು ಮುಂದಾಗಿತ್ತು  ಅಂದಿನ ಶಾಸಕ ಕೆ ಜಿ ಬೋಪಯ್ಯ ಭೂಮಿ ಪೂಜೆಯನ್ನು  ನೆರವೇರಿಸಿದ್ದರು. ಆದರೆ ಅಧಿಕಾರಿಗಳ ನಿರ್ಲಕ್ಷö್ಯದಿಂದ  ಜಾಗದ ವಿವಾದ ಮತ್ತೆ ನ್ಯಾಯಾಲಯದ ಮೆಟ್ಟಿಲೇರಿದೆ.  ಸಿದ್ದಾಪುರ ಪಟ್ಟಣದಲ್ಲಿ ದಿನ ನಿತ್ಯ ರಾಶಿ ತ್ಯಾಜ್ಯ ಸಂಗ್ರಹವಾಗುತ್ತಿದ್ದು, ಎಲ್ಲೆಂದರಲ್ಲಿ ಬಿದ್ದಿರುವ  ತ್ಯಾಜ್ಯವನ್ನು ತೆರವುಗೊಳಿಸುವಂತೆ ಒತ್ತಡ ಹೇರಿದ ಸಂದರ್ಭ  ಟ್ರ‍್ಯಾಕ್ಟರ್ ನಲ್ಲಿ ತ್ಯಾಜ್ಯ ತುಂಬಿ ರಾತೋರಾತ್ರಿ ನಿರ್ಬಂಧಿತ ಸ್ಥಳಗಳಲ್ಲಿ  ಜೆಸಿಬಿ ಮೂಲಕ ಗುಂಡಿ ತೆಗೆದು ಮುಚ್ಚಲಾಗುತ್ತಿದೆ ಎಂದು  ಸ್ಥಳೀಯರು ಆರೋಪಿಸಿದ್ದಾರೆ.

ರಸ್ತೆ ಬದಿಯಲ್ಲಿ ತ್ಯಾಜ್ಯ ತುಂಬಿದ  ಟ್ರಾಕ್ಟರ್ ನಿಂದ  ದುರ್ವಾಸನೆ ಬೀರುತ್ತಿದೆ.   ಕಳೆದ ೪೦ ವರ್ಷಗಳಿಂದಲೂ  ತ್ಯಾಜ್ಯ ವಿಲೇವಾರಿಗೆ ಸೂಕ್ತ ಜಾಗ ಕಂಡುಕೊಳ್ಳಲಾಗದ ಗ್ರಾಮ ಪಂಚಾಯಿತಿ ಆಡಳಿತದ ವಿರುದ್ಧ  ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದು, ಇನ್ನಾದರೂ ಗ್ರಾಮ ಪಂಚಾಯಿತಿ, ಜಿಲ್ಲಾಡಳಿತ ಹಾಗೂ ಜನಪ್ರತಿನಿಧಿಗಳ ಮೇಲೆ ಒತ್ತಡ ಹೇರಿ ಶಾಶ್ವತವಾದ ಜಾಗ ಕಂಡುಕೊಳ್ಳಬೇಕಾಗಿದೆ ಎಂಬುದು ಸ್ಥಳೀಯ ನಿವಾಸಿಗಳ ಒತ್ತಾಯವಾಗಿದೆ.